Saturday, January 14, 2012

കോളേജ് പ്രണയം.

പുതുദിനത്തിന്റെ വിരസത ക്ലാസ്സിലെ
പരിഷ്കാരി പയ്യന്റെ ചിരിയില്‍ അലിഞ്ഞില്ലാതായി.
കൂട്ടുകൂടി. കൂടെ നടന്നു.
ഒഴിവു സമയങ്ങള്‍ മൈതാനത്തെ ഒഴിഞ്ഞ മൂലകളും
ആളൊഴിഞ്ഞ ഇടനാഴികളും പങ്കിട്ടെടുത്തു.
പിരിഞ്ഞിരുന്ന രാത്രികള്‍ക്ക് പകലിനെക്കാള്‍
ദൈര്‍ഖ്യമേറി.

വര്‍ഷവും വസന്തവും ശിശിരവും ഓടി അകന്നു.
ഒടുവില്‍ വിട പറയാനുള്ള നാള്‍ വന്നു.
രക്ഷിതാക്കള്‍ തീരുമാനിച്ചു വെച്ചതിനാല്‍
ഭാവിയെക്കുറിച്ച് ആശങ്കയില്ല.
'തന്റെ വിവാഹവും അവന്റെ ഹയര്‍
സ്റ്റഡീസും.'

കഴിഞ്ഞയാഴ്ച, അവന്‍ വിദേശത്തേക്ക് പറക്കുന്നതിന്റെ
ദിവസങ്ങള്‍ മുന്‍പ്. അമ്പലനടയിലെ വാടകമുറി
അവസാന യാത്രയയപ്പിനുള്ള വേദിയായി.
കൊഴിഞ്ഞ ദിനങ്ങളിലെ മാധുര്യവും
പൊട്ടിച്ചിരികളും അയവിറക്കി ഒരു രാത്രി ഒരുമിച്ചുറങ്ങി.

പുലര്‍ച്ചെ, കുളിച്ചു ദേവനെ തൊഴുതു,
പരസ്പരം ചുംബനം കൈമാറി യാത്ര പറഞ്ഞു.
ഇനി തന്റെ വഴികളില്‍ അവനില്ല.
ഇനി പുതിയ ജീവിതം, വിവാഹത്തിന് നാളുകള്‍ മാത്രം ബാക്കി...

നിറഞ്ഞു കത്തുന്ന നിലവിളക്കിനെ സാക്ഷിനിര്‍ത്തി
കഴുത്തില്‍ താലി വീഴും. ചുറ്റിലും ആടയാഭരണങ്ങളില്‍
ആര്‍ത്തിയോടെ നോക്കിനിന്നവര്‍ ഉറക്കെ കുരവയിടും.
വളർത്തി വലുതാക്കി ഭാരം ഒഴിഞ്ഞു
അച്ഛൻ കരംപിടിച്ച് തന്റെ പതിക്കേകും.

***************
ചിന്തകളുടെ ഭാരം അവളുടെ കണ്‍പോളകളെ തളര്‍ത്തി.
പതിയെയുള്ള മയക്കം വിട്ടു അവള്‍ ഗാ
ഡനിദ്രയിലാണ്ടു.

അപ്പോഴും
അച്ഛനെ നിഷേധിച്ചതിൽ പ്രതിഷേധിച്ച് 
അടിവയറ്റിൽ ഒരു ഹതഭാഗി മുറവിളി കൂട്ടുന്നുണ്ടായിരുന്നു.

8 comments:

  1. ഇനിയും എഴുതുക.... ഭാവുകങ്ങള്‍.

    ReplyDelete
  2. വായിച്ചു.....

    കഥ എന്നാ ലേബല്‍ ഇടാന്‍ കാതങ്ങള്‍ ഇനിയും താണ്ടണം.

    ReplyDelete
  3. കൊള്ളാം എഴുത്ത് തുടരുക ..കൂടെ ഉണ്ടാവും ..

    word verification ozhivakkuka

    ReplyDelete
    Replies
    1. I removed verification. thanks for reading and comment.

      Delete