Wednesday, March 14, 2012

മാപ്പ് !!!

അറപ്പ് മാറിയ
കൈയിനിന്ന് കരുത്ത് ചോരുന്നു. 
മരണം
വിളിപ്പുറത്തുണ്ടെന്ന ഭീതി കൂടുന്നു.

ചെയ്ത പാപങ്ങളില്‍  മനം നൊന്തല്ല.
മനസാക്ഷി ഉത്തരം തിരഞ്ഞിട്ടുമില്ല.
എങ്കിലും...

മാപ്പ് !
നേര്‍പെങ്ങളുടെ
കണ്ണുനീരില്‍
മഴവില്ല് കാട്ടി കൂട്ടരോട്
വിലപേശിയതിന്...

മാപ്പ് !
ചത്തു ചീര്‍ത്ത
കൂടപ്പിറപ്പിന്റെ കുഴിമൂടാന്‍
വാരിയ ഒരു പിടി മണ്ണിനു
കണക്കു പറഞ്ഞതിന്...

മാപ്പ് !
കൂടെക്കിടന്നു കിട്ടിയ
വീര്‍ത്ത വയറുമായി
മുന്നില്‍ വന്ന
മുറപ്പെണ്ണിനെ
നാഭിക്കു തൊഴിച്ചെറിഞ്ഞതി
ന്...

മാപ്പ് !
പെറ്റ വയറിന്റെ
കദന കടലിന്
കടം പറഞ്ഞ്‌
തിരിഞ്ഞു നടന്നതി
ന്...

 
അങ്ങ് 
സ്വര്‍ഗ്ഗ നരകങ്ങളുടെ
വാതില്‍ക്കല്‍ കണക്കെഴുതും
ചിത്രഗുപ്തന് വീശാന്‍
കയ്യില്‍ കാശ് തികയില്ല
അതുകൊണ്ട് മാത്രം...

മാപ്പ് !

4 comments:

  1. തീക്ഷ്ണതയുള്ള വരികള്‍
    നന്നായിരിക്കുന്നു.
    ആശംസകള്‍

    ReplyDelete
  2. അങ്ങ്
    സ്വര്‍ഗ്ഗ നരകങ്ങളുടെ
    വാതില്‍ക്കല്‍ കണക്കെഴുതും
    ചിത്രഗുപ്തന് വീശാന്‍
    കയ്യില്‍ കാശ് തികയില്ല
    അതുകൊണ്ട് മാത്രം...മാപ്പ് !

    nalla varikal..

    ReplyDelete